inLane: Nabigazio sistemen hurrengo belaunaldia satelite bidezko nabigazioa eta ikuspen artifiziala bateratuz
11.02.2016
inLane proiektuaren hasiera-bilera GNSS Europarreko Agentziaren bulegoetan ospatu da otsailaren 3tik 5era. Europar Batzordeko proiektu-buruak (Alberto Fernández-Wyttenbach) hainbat saio zuzendu ditu partzuergoko kideekin batera. inLane -k goi mailako nazioarteko enpresa eta erakundeak biltzen ditu: ERTICO, Honda Research Institute Europe, INTEL, Teleconsult Austria, TomTom International, Technical University of Eindhoven, ACASA (RACC), IFSTTAR, IMI (Bartzelonako Udaletxea) eta Vicomtech-IK4, proiektu-koordinatzaile bezala.
inLane proiektuaren helburua nabigazioaren aplikazio belaunaldi berri bat garatzea da: kostu baxukoa, bide mailakoa eta pausoz-pauso informazio zehatza ematen duena, satelite bidezko nabigazioaren eta ikuspen artifizialaren teknologiaren bateratzearen bidez. Honek optimizatutako informazio kartografikoa lortzea ahalbidetuko du crowdsourcing-en tekniketan oinarritutako denbora errealean egindako eguneratzeekin. Bide mailako ibilgailuaren kokatzearen emaitzak zehaztasun handiko nabigazio eraginkorra ekarriko du.
Ikerketa eta berrikuntza proiektu hau, Vicomtech-IK4-ek lideratua, urtarrilaren 2016ean hasi da eta 30 hilabete iraungo ditu. inLane-ek Europar Erkidegotik diru-laguntza jaso du Horizon 2020 ikerketa eta berrikuntzaren programaren barne, 687458 diru-laguntzaren hitzarmen zenbakiarekin.
