Senior R & D Business Developer/Merkatu Garapena I+G Garraio Sektorea
- Donostia / San Sebastián
- Bilbao
Senior R&D Business Developer / Desarrollo de Mercado I+D Sector Transporte
-
Transferentzia Teknologikoko Departamenturako pertsona baten bila gabiltza, zentroak garraioaren sektorean duen merkataritza-ekintza eta transferentzia teknologikoa bultzatzeko, eta zentroko Sistema Konektatu Kooperatibo eta Autonomoen eta Mugikortasun eta Logistikarako Sistema Adimendunen arlo teknologikoei laguntza nagusia emateko. Jarduera-eremuak garraioaren sektoreari heltzen dio zentzurik zabalenean, beste azpisektore edo jarduera-eremu batzuen artean, hala nola ITS, Mugikortasuna, Logistika eta Automozioa.
Lanpostuaren funtsezko erantzukizunen artean daude:
- Tokiko (Gipuzkoa), eskualdeko (Euskadi) edo nazioko enpresak aztertzea, aipatutako eremuetan edo antzeko beste esparru batzuetan teknologia digitalak garatzeko edo transferitzeko potentzial handiena duten enpresak identifikatzeko.
- Merkataritza-aukerak identifikatzea eta sortzea (bai I+G aplikatuko proiektuak, bai teknologia transferitu eta lizentziatzeko proiektuak), beren beharretan eta zentroaren gaitasun teknologikoetan eta misioan oinarritutako enpresa eta erakundeekin hitz eginez.
- Taldearekin lankidetzan aritzea egungo edo balizko bezeroei aholkularitza emateko, aipatutako esparruetan teknologia garatzeko edo transferitzeko I+G+b proiektuak planteatzeari, kontzeptualizatzeari, aurkezteari eta garatzeari dagokionez.
- Enpresen beharren araberako finantzaketa pribatu eta publikoko mekanismo onenak aztertzea eta hautatzea.
- Zentroko bezeroak kudeatzea, epe luzerako leialtze-lanen bidez.
- Kontsulta-salmentak lortzea, balio erantsi handikoa, zentroaren efizientzia eta berrikuntza estandarrei dagokienez.
- Erakunderen kanpo-ordezkaritza enpresa-esparruko edo transferentzia arloko foroetan, estatukoetan zein nazioartekoetan.
- Bezeroaren beharren, bilakaeraren eta gogobetetasunaren detekzioa gainbegiratzea.
Hautagaiek izan behar dute:
-
Formakuntza: Ingeniaritzako goi-mailako ikasketak (Automatika eta Elektronika, Industria, Informatika edo Telekomunikazioak). Balio erantsia izango du Doktorego mailan ikasketa teknikoak egin izanak.
- Esperientzia:
- 3-5 urteko gutxieneko esperientzia merkatuko garapen-lanpostuetan, teknologia digitalen eremuko zerbitzuak hornitzen Garraio eta Logistika sektorean (oso positiboki baloratzen da sektoreko esperientzia eta/edo berrikuntza-esparruetako esperientzia, bereziki I+G+Bkoa).
- Esperientzia egiaztatua enpresentzako salmenta tekniko-aholku-emailean, esperientzia hori Garraio eta Logistika-sektorearekin lotuta egotea bereziki baloratuz.
- Bezeroaren beharretara egokitzeko gaitasuna.
- Esperientzia egiaztatua eskaintzen ziklo osoaren kudeaketan.
- Diziplina anitzeko taldeekin lan egiteko esperientzia frogatua.
- Hizkuntzak: Ingeleseko maila aurreratua eta euskara baliogarria.
- Autonomia, dinamismo, proaktibitate, malgutasun, enpatia eta autokonfiantza maila handia.
- Eskualde (Euskadi) eta estatu mailan bidaiatzeko prestasuna.
- Ikuspegi estrategikoa eta analitikoa duen profila.
Kontuan hartzen dugu:
- Zientzia eta teknologiaren euskal sarea ezagutzea (BRTA)
- Vicomtech-en antzeko zentro teknologikoetako esperientzia
Ondorengoa eskaintzen dugu:
- Zentro dinamiko, berritzaile eta punta-puntako batean sartzea Adimen Artifizialaren eta Visual Computing & Interactionen esparruan, nazioartean, Donostian eta Bilbon lantokiekin.
- Abangoardiako teknologia duten nazioko eta nazioarteko ikerketa- eta garapen-proiektu erakargarriak.
- Askatasun sortzailea, zentroaren kudeaketa-prozedurekin bat datozen ikerketak egiterakoan.
- Garapen pertsonala, prestakuntza- eta hezkuntza-aukeren bidez.
- Karrera eta progresio profesionalerako aukerak.
- Lana eta familia uztartzeko politikak, lanaren eta familiaren arteko oreka lortzeko.
- Laneko aukera-berdintasuna.
Identifikatuta sentitzen bazara, anima zaitez zure CVa bidaltzera
