Vicomtech-ek FORCE REPAIR proiektu europarrean laguntzen du, zeinak arreta jartzen baitu zauri kronikoen tratamendu berritzailean.

Zauriak larruazalaren jarraitutasun anatomikoa eta fisiologikoa galtzearen arrazoi nagusiak dira, eta horien eragina kronikoa bada, sendatze-aldia ez da hiru hilabetetik beherakoa izaten. Pairamen mota horrek Europako biztanleriaren % 2ri eragiten dio, eta datozen urteetan kasuak nabarmen handitzea espero da. Europan, era horretako erasanetara bideratutako osasun-gastuaren guztizkoa % 4tik beherakoa da; eta, horren ondorioz, erabilitako terapiak ez dira nahikoak, garestiak eta ez oso erabakigarriak. Orain arte, zauri kronikoak tratatzeko gailu medikoek ezin izan dute larruazala modu fidagarrian birsortu eta orbainen sorrera murriztu.

Proiektuaren helburua

Beraz, FORCE REPAIR Europako ikerketa-proiektu berriaren helburu nagusia zauri kronikoak sendatzen eta tratatzen aurrera egitea da, 3Dn inprimatutako zaurietarako apositu bat garatuz. Horrela, infekzio bakterianoa eta horien hantura kontrolatzea lor liteke. Garatutako terapia berria larruazaleko tentsioa arintzen duten eta sendaketa eta orbaintzea estimulatzen duten biomaterialetan oinarritzen da, teknologia biobateragarri berritzaileak eta birsortzearen aldeko printzipio aktiboak konbinatuz. Proiektuak Europako 7 estatu kidetako 14 bazkideren laguntza du, eta 5 milioi euro baino gehiagoko finantzaketa, Europar Batasunaren «Horizon Europe» ikerketa eta berrikuntzarako dirulaguntzen programaren eskutik.

FORCE REPAIR proiektuaren kontzeptua azido hialuronikoz egindako hidrogel autozuratibo batean oinarritzen da. Hidrogel hori 3Dn inprima daiteke (HA-Ag-DH), eta bakterioen aurkako propietateak eta propietate bioitsaskorrak ditu, eta zauriaren hezetasuna luzaroan mantenduko du. Inprima daitekeen biomaterialak aukera emango du osagai bakoitza leku estrategiko batean jartzeko, infekzioari aurre egiteko eta hantura murrizteko, ehun osasuntsuaren ingurunea birsortzeko.

Vicomtech-en rola proiektuan

Force Repair-en, Vicomtech-en lana goi mailako software berri baten garapenean zentratzen da, bioinprimagailuaren ibilbideak sortzeko. Horrela, 4D apositu multimateriala fabrikatu ahal izango da, proiektuan proposatzen den azaleko zauri kronikoak tratatzeko. Vicomtech-ek aposituaren portaera mekanikoa simulatzea ahalbidetuko duen software berri bat ere garatuko du, apositua osatzen duten materialen banaketa espaziala eta argi ultramorearen bidezko estimulazioari ematen dion erantzuna kontuan hartuta. Hori da aposituari modu kontrolatuan deformatzeko (4D) eta zaurian tentsioa askatzeko aukera ematen diona.
 

Zaurien zaintzaren kudeaketan eta osasun-kostuen murrizketan aurrera egiten

Zauri kronikoak edozein adin-taldetako pazienteengan ager daitezkeen gaitzak dira, nahiz eta diabetesa edo obesitatea bezalako gaixotasunak dituzten pertsonek gaixotasun horiek garatzeko arrisku handiagoa izan. Horregatik, FORCE REPAIR proiektua erraz molda daiteke pazientearen profil bakoitzera eta haren premia indibidualetara. Gutxienez 15 egunez birsortze efektua ematen duenez, apositu berriak nabarmen gutxituko du erizainaren eguneroko arretaren maiztasuna apositua aldatzeko, eta zauri orbaindua sortuko du, berriz irekitzeko probabilitate txikiarekin.
 

Zauri kronikoen tratamendua sustatzeaz, osasun-kostuak murrizteaz eta pazienteen bizi-kalitate orokorra hobetzeaz gain, FORCE REPAIRek Garapen Jasangarriko Helburuak lortzen ere lagunduko du. Proiektuaren helburua biotinten eta nanokapsulen ekoizpen iraunkorragoa ezartzea da . Horrela, proiektuko kideek Europar Batasunaren lidergoari lagunduko diote ingurune garbia eta kutsatzailerik gabea erraztuko duten materialen ekoizpenean.

Proiektuko bazkideak

Austria:

• Akribes Biomedical GmbH
• Joanneum Research Forschungsgesellschaft mbH

Txekiar Errepublika:

• Betthera S.R.O.

Danimarka:

• European Wound Management Association (EWMA)

Frantzia:

• Centre National de la Recherche Scientifique (CNRS)
• Bordeleko Unibertsitatea (third-party)
• Institut Polytehnique de Bordeaux (third-party)
• Institut National de la Santé et de la Recherche Medicale (INSERM)

Alemania:

• European Research and Project Office GmbH (EURICE)

Italia:

• Università degli Studi del Piemonte Orientale Amedeo Avogadro
• Università degli Studi di Pavia

Espainia

• Asphalion S.L.
• CIDETEC fundazioa
• IDONIAL Fundazioa
• VICOMTECH
• Histocell S.L.