Bilboko Ingeniaritza Eskolak telekomunikazioen arloko master amaierako lanik onena eman dio Inhar Yeregui Vicomtech-eko ikertzaileari

Joan den ekainaren 20an, Telekomunikazioen eta Siderurgiaren arloko gradu amaierako eta master amaierako lan onenen sariak banatu ziren Bilboko Ingeniaritza Eskolan. Ekitaldian izan ziren Charles Pinto, Bilboko Ingeniaritza Eskolako zuzendaria, Xabier Arrieta, Eusko Jaurlaritzako Informazio eta Komunikazio Teknologien zuzendaria eta enpresa babesleen ordezkariak.

Inhar Yeregui Arrieta, Vicomtech-eko Digital Media Departamentuko ikerketa-laguntzailea, 5Gk konektatutako ibilgailuen jarraipena egiteko gailuen lokalizazioa eta sare bidezko monitorizazioa lanarekin, Telekomunikazioen arloko master amaierako proiektu onenaren saria jaso du.

Inharrek egindako eta aurkeztutako den lana 5G Euskadi proiektuak barne hartzen duen erabilera kasu batean oinarritzen da, mugikortasunerako ibilgailuen mantentze lanen erabilera kasuan, hain zuzen. Testuinguru honetan, proiektu honen helburu nagusia, konektatutako ibilgailuen lokalizazio eta komunikazio sarearen errendimenduarekin lotutako hainbat alderdiren monitorizazioa ahalbidetuko duen erreminta baten diseinua eta garapena burutzea da. Horretarako 5G sareek ekarritako baliabide ugari erabili dira: 5G ekipamendua, birtualizazioa, edo muturreko konputazioa, esaterako.

Jasone Astorga, Bilboko Ingeniaritza Eskolako Komunikazio Ingeniaritza Saileko irakasleak zuzendu du lana. Vicomtech-en, Roberto Viola eta Mikel Zorrilla doktoreek tutoretza eman diote lanari, proiektuaren garapen teknikoa gainbegiratuz.

Master amaierako lan honekin, Inharrek mugikortasunaren hobekuntzaren eta ibilgailuen komunikazio-sareen errendimenduaren etorkizunerako beste urrats bat hurbiltzen digu, zalantzarik gabe hiri handien jasangarritasunean lagunduko duena.

Zorionak!