ADAGIO - AA sortzailearen bidez egokitutako testu sorkuntza automatikoa
ADAGIO
Proiektuaren helburua
ADAGIOren helburu nagusia Adimen Artifizialeko teknologien bidez domeinu espezifikoetara egokitu daitezkeen testuak automatikoki sortzeko sistema bat ikertzea eta garatzea da. Proiektuaren esparruan, industriaren erabilera-kasu espezifikoetara egokitutako testuak automatikoki sortzeko metodoak eta sistemak garatzen dira, hizkuntza-eredu zabalak egokituz.
Ikerketa eta garapena
ADAGIO nagusiki euskarazko, gaztelaniazko eta katalanezko erabilera kasuetarako garatzen da. Hizkuntzaren teknologiekin lotutako proiektua denez, hainbat motatako eta tamainatako hizkuntza-eredu sortzaile zabalak (LLM) aplikatzen dira. Egokitzapen-metodoak ikertzen dira; hala nola, zero-shot eta few-shot prompting-a, fine-tuning efizientea, eta retrieval-augmented generation (RAG) metodoak. Gainera, hizkuntza-eredu neuronalak optimizatzeko
metodoak ikertu eta garatzen dira, baliabide mugatuak dituzten inguruneetan zabal daitezkeen sistema moldagarriak lortzeko asmoz.
Erabilitako teknologiak
- Large Language Models
- Prompting & fine-tuning
- Retrieval Augmented Generation
Aplikazio-sektoreak
Proiektuak hainbat sektore hartzen ditu barne, partzuergoko enpresen beharren eta erabilera-kasuen arabera. Bereziki, industriaren, osasunaren eta jarduera fisikoaren, jokoen eta marketinaren esparruetako edukien sorrera lantzen da.
Proiektuko bazkideak
Proiektuaren finantzaketa
- SPRI taldearen Hazitek programa (2023)
Zure hurrengo proiekturako kide bila zabiltza? Idatz iezaguzu, laguntzeko irrikan gaude.