Ekin, industri ekoizpeneko makinekin hizkuntza naturalean elkarrekintzan aritzeko sistema

Deskribapena

Ekin proiektuak "Elkarrizketa-interfazeen" kontzeptuaren garapenean eta ezarpenean aurrera egin nahi du, Euskal Autonomia Erkidegoko ekoizpen-plantetan langileen eta makinen arteko interakzio-mekanismo gisa, zenbait prozesuren produktibitatea errazteko eta hobetzeko.

Helburuak

Horretarako, hiru helburu nagusi ezarri dira. Hauek lortzeko, adimen artifizialeko teknologia aurreratuenak erabiliko dira:

• Ekoizpen industrialetako langileen eta makinen arteko hizkuntza naturalean interakzioa errazteko interfazeen garapena, dokumentazio teknikoan jasotako informazioan oinarrituta, hala nola eskuliburuetan, fabrikazioko/muntaketako dosierretan eta mantentze-lanetako oharretan.
• Ahotsaren ezagutza- eta sintesi-eredu neuronalak optimizatzea, makinetan bertan gailu elektronikoetan eta automatismoetan txertatu ahal izateko, hodeiko hedapenen pribatutasun-, segurtasun- eta latentzia-arazoak saihesteko.
• Euskarazko makinekin eta automatismoekin interakzio-adierazpenen corpusa eta terminologia formalizatzea, erreferentzia izan dadin elkarrizketa-interfazeak garatzeko sektorean, baita euskaraz ere.

Horrelako konponbideak garatzeko, beharrezkoa da corpusa edukitzea, erabilera-domeinuko dokumentuetatik datorrena, kasu honetan, industria-ingurunetik. Beraz, eskuliburuak, dosierrak eta mantentze-oharrak behar dira, bai eta terminologia-oinarri bat eta pertsona-makina interakzioko adierazpenak ere, erreferentziazko hizkuntzetan.

Teknologia garatzeko erabilera-kasu gisa erabiliko diren hiru ingurune definitu dira:

• Zenbakizko kontrolen programazioa
• Fabrikazio- eta muntaketa-prozesuak
• Mantentze industriala.

Proiektua amaitutakoan, horietako bat aukeratuko da, benetako inplementazioa gauzatzeko eta emaitzak baliozkotzeko, teknologia beste industria-instalazio batzuetan transferitu eta aplikatu aurretik.

Partzuergoa

Vicomtech, UPV/EHU, Tekniker, Ikor, IMH eta UZEI

Proiektu hori SPRIk finantzatu du Elkartek programaren esparruan. Programa horrek ZTBESko eragileek RIS3 Euskadi arlo estrategikoetan egindako elkarlaneko ikerketa babesten du.