Vicomtech RENICen sartu da, Zibersegurtasuneko Ikerketarako Bikaintasun Sare Nazionalean

Vicomtech Zibersegurtasuneko Ikerketarako Bikaintasun Sare Nazionalean (RENIC)
sartu da, arlo horretan duen ezagutza partekatzeko eta gainerako bazkideekiko
lankidetza sendotzeko. 

RENIC Espainiako sektore teknologikoko zibersegurtasuneko ikerketa-zentroak
biltzen dituen elkarte bat da. Zentro horien jatorria 2013-2015 aldirako eremu
digitaleko konfiantza-plana da, 2013an Espainiako Agenda Digitalaren helburuetako
bat betetzeko garatu zena.

INCIBE Zibersegurtasuneko Institutu Nazionalak bultzatu zuen elkartea, ikerketa eta
garapen teknologikoa sustatzeko, industriari ezagutza eta teknologiak zabaltzeko eta
zibersegurtasunarekin lotutako I+G+b proiektuak garatzeko.

RENICek jarduera horiek guztiak egiten ditu sektore nazionalean ikerkuntzaren
lehiakortasuna hobetzeko eta hainbat erakunderen arteko lankidetzaren eta
loturaren bidez sortzen diren arazoei irtenbideak bilatzeko.

RENICen jarduerak gizarte osoari egiten dio mesede; izan ere, prestigio, ezagutza
eta esperientzia handiko erakundeek osatzen dute, eta bat egiten dute
zibersegurtasunaren arloko egungo beharrei erantzuteko.